Preetich: “FIER URSACH WOOM KOT TI AMERIKA UN TI WËLT TRËCHE TUUT”
Tas Wake Ruf Event .
Tanke xeen. Es is en eere hayt nacht hier sin — ekstra in tëm kritixe momënt fon te amerikaanixe kexichte, un in te welt kexichte.
Tausente yoere tsurik, torich te hepreeyxe profeet Hagai, hot Kot uns kesaat was Ëyer mache teet — tas Ëyer uns xpoote teet. “Wayl soo saat te Hërkot fon te militeer: ‘In khorts tsayt, tuun ich noch mool ti himele un ti ëyert, tas meer un ti trokne lant xmayse. Ich tuun ale natsioone xpoote.... Ich tuun te himele un ti ëyert xmayse. Ich tuun ti troone fon te rayche um xmayse un ti macht fon te rayche fon te natsioone fernichte.’” (Ageo 2:6-7, 21-22)
Tas is was ti Piipel profetsiie sin – een interseptsioon fon te ketanke fon tëm Kot woo ales wees, woo ales siit, fom Uniwërsum....een weter pekhantmachunge fon te tsukhunft....een xtorm waarnung fon te tsukhunft — net tas mer pang hon, awer soo tas mer wach sin un fërtich un troy sin un ticht pay Yeesus keen wën ti xtorme khome.
Erinerst tuu tich noch woos tuu am 11 septemper 2001 waarst? Erinerst tuu tich wii tuu tich kexpiirt host wii tuu kesiin host tas te Pentagon am ferprëne waar, ti xrooe xtroose fon Pensilwania, ti tswaay toore am imploteere? Niks wayl Pearl Harbor soo fiil amerikaner in en eensichst atak um keprung kep waar – mee wii 3.000 in tëm taach. Niks fon uns tuut tas taach ferkese — un mer sole aach net.
Kot hot net tas 9/11 kemach....ti fanatixe woo sich aankextrëngt hon uf ti falxe inlërnunge fom Radikaal Islam hon tas 9/11 kemach....awer te Woere un Leewente Kot — te Kot fon te Piipel — hot tas paseere kelos fer ti Amerika se xmayse.... fer unser acht se kriin....fer uns uf muute.
Ich wil aych hayt nacht phaar frooche mache, wii mer iwer te 9/11 reflekteyert, wii mer iwer te xtaat fon unser unioon reflekteyert, un te xtaat fon te khëriche, soo wii hier un uf te kans welt: An tëm yoertaach fon 9/11, sin tëyer moraalisch un kaystlich pëser sin foer tseen yoere? Is tayn familye? Is tayn kemaynt?
Yets is een kuut tsayt fer een kaystlich autiëns mache — fer se siin wii tuu tich moraalisch un kaystlich fine tuust, wii tayn familye sich fine tuut, wii tayn kemaynt sich fine tuut. Wii 10 yoer tsurik, hot Kot uns kexpot – ti frooch is: Waare mer am heere?
Im puuch fon Hebreus leese mer: “Tuu uf phase tas tuu nët tee woo xprëcht, ap lënke tuust. Wayl wën tii nët aus kang sin wii se tee woo se uf te Ëyert kewarnt hot, nët aan kenom hon, fiil weenicher tuun mëyer aus rayse woo fon tëm woo fom himel kewarnt këp sin, ap lënke. Un sayn xtim hot ti ëyert tan kextërekt, awer yets hot Ëyer ferxproch: ‘Noch mool, tuun ich nët ploos ti ëyert, awer aach te himel xreklich mache.” Hebreus 12:25-26 )
Unser Hër Yeesus Kristus — woo mit sayn tisipele uf em Oostre përich in Yeruusalëm kehokt hot — hot aach in Mateus 24 kewarnt tas mer in te letste taache, ti taache woo foer Yeesus tsurik khome, ferxwun wëre. Yeesus hot kesaat: “Ti sun wërt tunkel, un te moonat tuut net sayn licht këpe, un ti xtërne tuun fom himel runer fale un ti kraft fon te himele wërt kextërekt.” Un tan, wën ti mënxe tas am mëyeste waarte, hot Yeesus kesaat: “Tas simpool fom Mënxe Soon tuut sich im himel foer xtele, un tan tuun al ti xtame fon te ëyert traurich sin, un tii tuun te Mënxe Soon siin uf te wolke fon . te himel mit macht un kroos hërlichkheet. (Mateus 24:29-30).
Amerika waar am 9/11 ferxwun. Hayt, tuut Kot uns noch mool xpoote.
Neekst 9 fon te tseen kreeste – kreeste – orkane fon te amerikaanixe kexichte sin xon tsayt 9/11 paseyert. Tas xlimste waar te orkaan Katrina woo en amerikaanixe xtat neekst fernicht hot un hot am ën 108 milioone dolaar kekos.[i] Te orkaan Irene wërt woerxaynlich in te top 5 xteen un hot 2011 tas xlimste yoer fon te amerikaanixe kexichte kemach fer natierliche katastroofe, mit 10 separate katastroofe woo 1 miliaar dolaar ore mee khoste.[ii] Tas yoer hon mer tas xlimste ausxprechung fon te tornatoes in neekst en halpe yoer hunert kesiin.[iii] Ti xlimste fayer in te kexicht fon Texas – tswixe te xlimste trokne layt in te kexicht fom xtaat.[iv] Tas kreeste ëyertxutere uf te Oost Kust tsayt 1875.[v] Tas kreeste ëyertxutere in Kolorado tsayt 1882. In te selwich tsayt, is unser ekonoomii pis an sayn keruch kextërekt kep.
42.000 amerikaanixe fabrike sin xon tsayt 9/11 uf kexlos kep.[vi] Veerzeen milioone amerikaner hon sayn aarwat ferloer kraat in te letste yoore. Milyoone familye hon sayn haus ferloer. Washington is ti natsioonal kredit karte uf kexpant fer unser ekonoomii se xpringe, awer tas funktsiooniert net. Unser federal xult is yets mee wii 14 trilyone dolaare – tas is trilyone mit en “t.” Es is xweyer sich soo fiil kelt foer xtele. Awer, saat mer tas soo: wën mer een dolaar pro sekunt yeete xtun fon yeete taach fon yeete moonat petsaale teet fer unser natsioonal xult petsaale, teet tas uns mee wii 32.000 yoer tauere ploos fer 1 trilyone dolaar petsaale – awer meyer hon mee wii trilyone dolaare fon te xult.
