atatandanan ku, pilan nang banua ing milabas, na ing kutang a mekapagmulala kanaku bilang metung a kayanakan a kristiyanu (at ding mapilan kareng kakaluguran ku) yapin ini: nanu ing kapagnasan ning apung ginu para kareng memalen na? Granted na meconvert tamu, granted na meligtas tamu at tinggap na ing bayung bie kang Jesu-Cristo, nanu ing susunud? Syempre, balu mi ing sikat a pahayag ning Westminster Shorter Catechism: na ing pekamaulaga ning tau yapin ing parangalan ne ing Dios at ing pamagsaya kaya kapilan man: balu mi ita, at paniwalan mi ya. Meglaru kami kareng mapilan a mas makuyad a pahayag, kalupa ning metung kareng limang amanu—luguran me ing Dios, luguran me ing kapara mung tau. Pero e man makanyan, ala metung man kareti, o aliwa pa na malyari ming sambitlan, ing balamu ganap a makayagpang. Inya buri kung ishare kekayu nung nukarin ya migpaynawa ing kanakung kaisipan kabang lalapit ku king wakas ning kanakung pamaglakbe keti king yatu, at ita—buri na ning Dios ing ding memalen na maging kalupa nang Kristo. Ing panga-Kristo ya ing kaburian ning Dios para karing memalen ning Dios.
Kaya nung tutu ita, mumuntalan ku ing tutuki: mumuna ing ibili ing biblikung batayan para keng aus king panga-Kristo; pangadwa, para dinan lang mapilan a alimbawa keng bayung tipan; katlu, para makagawa kung praktikal a konklusyun. At iti ngan makayagpang ya king pamaging kalupa nang Kristo.
Kaya mumuna ya ing biblical a batayan para keng aus para maging kalupa nang Kristo. Ing basis ayni ali ya metung a text: ing basis mas substantial ya kesa keng malyaring i-encapsulate keng metung a text. Ing batayan atin yang atlung text na dapat tamung pisabyan keng kekatamung pamisip at pamibiebie bilang kristiyanu: Roma 8:29, 2 Corinthians 3:18, ampo 1 John 3:2. lawan tala deng atlu a reni saglit.
Ing Roma 8:29 sasabyan na na ing Dios telaga nala ding memalen na ban maging kalupa na ning larawan ning Anak na: ngana wari, maging kalupa nang Jesus. Balu tamu ngan na inyang miragsa ya i Adan dakal ya mewala—agyang e ngan—king banal a larawan nung nukarin ya melalang. Oneng binalik ne ning Dios kang Cristo. Ing pamakisanmetung king larawan ning Dios mangabaldugan yang maging kalupa nang Jesus: ing panga-Kristo ya ing alang anggang kapagnasan ning Dios.
Ing kaduang tekstu ku ya pin ing 2 Corinthians 3:18: “At itamu ngan, a alang takap a lupa, akakit tamu ing ligaya ning Ginu, mibayu tamu king kalupa na, ibat king metung a degree ning ligaya papunta king aliwang degree ning ligaya, uling iti manibatan king Ginu a ya ing Espiritu.” Inya pin king kapamilatan ning Espiritung manuknangan mismu, mibayu tamu ibat king ligaya papunta king ligaya—metung yang mangasanting a vision. Kening kaduang yugtu ning pamaging kalupa nang Kristo, apansinan mu na ing panaun mibayu ya ibat keng milabas angga na ngeni, ibat keng alang anggang pamagtakda ning Dios angga na keng kasalukuyan nang pamagbayu kekatamu kapamilatan ning Banal a Espiritu. Mibayu ya ibat keng alang anggang kapagnasan ning Dios na gawan na katamung kalupa nang Kristo, papunta keng makasaysayang obra na kapamilatan ning Banal nang Espiritu para ibayu na katamung larawan nang Jesus.
Ita ing magdala kanaku keng katlung text: 1 John 3:2. “Kaluguran, anak na katamu ning Dios ngeni at e pa mipabalu nung nanu tamu, oneng balu tamu king potang datang ya, maging kalupa na katamu, uling akit ta ya nung makananu ya.” E tamu balu nung nanu ing malyari tamu keng tauling aldo, pero balu tamu na maging kalupa tamu kang Kristo. Ala nang kailangan pang abalu tamu pa kesa kanini. Makuntentu kami king maligaya nang katutwan a kayabe mi ya i Cristo, kalupa nang Cristo, mangga king alang angga. Oreni reng atlung panaun—milabas, kasalukuyan, at daratang.
Metung la ngan direksyun ing tuturu da: atin yang alang anggang kapagnasan ing Dios, mitulduan na katamu; atin yang makasaysayang sangkan ing Dios, mibayu tamu, mibayu ya ing Banal a Espiritu; at atin yang tauli o eschatological a sangkan ning apung ginu, maging kalupa ta ya, uling akit ta ya nung makananu ya. Deng atlu, ing alang angga, ing makasaysayan, ampo ing eskatolohikal, misasanmetung la papunta keng metung a wakas ning panga-Kristo. Iti, ing mumusni ku, ing sangkan ning Dios para kareng memalen ning Dios. Ita ing sangkan ning biblia ban maging kalupa nang Kristo: iti ing kapagnasan ning Dios para karing memalen ning Dios.
Buri kung isundu ing pamaglarawan king katutwan a ini kareng mapilan a alimbawa ning Bayung Tipan. Mumuna, isipan ku na importanti para kekatamu ing gawang pangkabilugan a pahayag, antimo ing gewa nang apostol Juan king 1 Juan 2:6: “ing sasabing manatili ya kang Cristo dapat yang lumakad king paralan a linakad na.” King aliwang salita, nung sasabian tamung Kristiyanu tamu, sukat tamung maging kalupa nang Kristo. Oini ing mumunang alimbawa ning Bayung Tipan: dapat tamung maging kalupa nang Kristo king keyang pangatau.
Deng mapilan kekayu malyari lang agad mibalik keng takut keng makanining ideya. Siguradu, sabyan mu kanaku, ing Incarnation metung yang ganap a makatagulaling a bage at e malyaring tularan king nanu mang paralan? Ing pakibat ku keng kutang ayta wa at ali. Wa, metung yang pambihira, king kabaldugan a ing Anak ning Dios kinua ne ing kekatamung pangatau king sarili na kang Jesus ning Nazaret, misan at para king kapilan man at kapilan man, e na miulit. Tutu pin ita. Pero atin pang aliwang kabaldugan nung nukarin ing pangatau e ya metung: ing makapagmulalang grasya ning apung ginu keng pangatau nang kristo dapat tamung tukian ngan.
Ing Incarnation, keng kabaldugan a ita, ali ya makabukud nune universal ya. Itamu ngan meyaus tamung tuki king alimbawa ning keyang maragul a kapakumbaban king pamanipa na ibat banua papunta king yatu. Inya pin, i Pablo malyari yang sumulat king Filipos 2:5-8: “Atin kayung isipan a makanini.
