Xnaqʼtzbʼil: Tiquʼn mas matij Dios twitzju nya bʼaʼn in tzaj tiʼja, nya oʼkx yol


¿In nel naj tiʼj tkʼuʼja qa mas nim toklen Dios twitzju nya bʼaʼn in tzaj tiʼja? Qa aya jun tiyjil tze´n weye, b´a´n t-xi b´aj nim maj. Tb´anil, aju´ n-b´is n-chi tzaj tna´n weye qa n-chi jyone tun t-xi n-b´inchene aye nya b´a´n n-b´inchb´ene, extzen ma pon amb´il tun t-xi nq´o´ne te Jesucristo.

Junjun techel tiʼj txʼolbʼabʼil tiʼj Tyol Dios tiʼj qa mas nim toklen Dios twitzju nya bʼaʼn in tzaj qiʼj
Jun kyxol qeju tb´anel techel ti´j qa a Dios mas matij twitzju nya b´a´n in tzaj ti´ja, aju tx´olb´ab´il ti´j José toj Génesis 37-45. Tzaj yabʼil kyiʼj ttzik José tuʼnju ok tqʼoʼn kytat te mas tbʼanel José, tuʼntzunju xi kykʼayin tuʼn tok te majen. N-okx toj Egipto extzen n-okx toj cárcel exttzen n-etz tzaqpi´n tej t-xi t-xnaq´tzan Faraón jun mya b´a´n twitzik´. Tuʼnju tzaj tchikʼbʼaʼn José aju t-xilen twitzikʼ, ok tqʼoʼn faraón te nejenel tuʼn t-xi t-xqʼuqin qe tiʼchaq naʼmxtoq ttzaj weʼyaj aju in tzaj tqʼamaʼn twitzikʼ. N-chi b´et junjun ab´q´i toj we´yaj, a otaq pon kye t-xjalil toj Canaán. Ok kybʼiʼn qeju 10 erman mas tij qa at wabʼj toj tnam Egipto, tuʼntzunju i eʼx jatumel otoq tzʼok tchmoʼn Faraón.



N-xi ti´n junjun capítulos tun t-xi tq´ama´n José alkye te, noqtzun ayetzi´n aj t-xi tq´ama´n, n-xi tq´uqb´a kyk´u´j kye ttzik toj Génesis 45:5 "Atzun ja´lo, mya b´a´n tu´n ky-b´isune ex mi´n tzaj kyq´oj kyi´je tu´n tpaj ma chin k´ayine tzalu, qu´n a Dios tzaj samante weye nej kywitze tu´n t-xi nq´o´ne chwinqlal." (ESV)

Mya noq o´kx nimxix t-xilen Dios twitz ky-yab´il José ex ky-tzik, ax ikx a Qman Dios ok tq´o´n twitz ti´j nya b´a´n tzaj, ex ajb´en nya b´a´n tu´n José tu´n t-xi ti´n qe toj tja toj jun najb´il te kolb´il jatumel jaku che ok te tnam te Israel. Ax tok in naqʼunan Dios kyoj qe nya bʼaʼn in che tzaj qiʼj tuʼn qxi tiʼn jatumel taj.

Tun ky-b´inchen junjun techel toj ak´aj yol, ximana ti´j tkyaqil tx´olb´ab´il ti´j q´anb´il toj u´j te tqanil; xjal toj t-xe ky-b´inchb´en, tze´nku jun xu´j otaq tz´el t-xmilal toj 12 ab´q´i toj Lucas 8:43-48. Otoq tz´el tpa´n tkyaqil tpwaq kyi´j q´anel aye mya b´ant ky-onil ti´j, extzen tu´n tpaj n-ok q´o´n te "tz´il", otaq tz´el tpa´n tib´. Pero tuʼnju nimen tuʼn qa mas matij Dios twitzju nya bʼaʼn in tzaj tiʼj, el tnikʼ tiʼj qa oʼkx tuʼn t-xi ttzyuʼn tqʼabʼ ex tuʼn tok tmakoʼn ttxaʼn t-xbʼalun Jesús. Aye xjal n-chi tzaj ky-q´o´n ky-b´i´n toj tkyaqil plaj, extzun a Crist n-chi tna´n qa a ipumalj n-el tpa´n tib´ ti´j tej t-xi q´anit.

A tx´olb´ab´il lu n-ok tmojb´an tib´ tuk´a tx´olb´ab´il ti´j t-xjelb´itz Jairo tun t-xi tqanin onb´il te tme´jel ch´ixtoq tkyim. Aye xjal n-chi tzaj ky-q´o´n amb´il te Jesús toj b´e tun t-xi´ t-q´anin tal txin, extzen a Jesús n-chi b´et mas ch´in tej t-xi´ t-xnaq´tza´n tuk´e qya otaq b´anix. Tej t-xi tqʼamaʼn Jesús te tuʼn t-xiʼ toj mujbʼabʼil, tzaj qʼoʼn tqanil te Jairo qa ya mintiʼ tajbʼen Jesucristo tuʼnju otoq kyim tmeʼjel. ¿Nimxixpe nya bʼaʼn lu twitz Tkʼwaʼl Dios? Ax tok mlay, tuʼnju mas at tipumal Jesucrist twitz kamik.



¿Tiquʼn kwest tuʼn t-xi qnimen qa mas nim toklen Dios twitzju nya bʼaʼn in tzaj tiʼja?
Ik tzeʼn majen tzajni toj tja Jairo, in kubʼ qximen qa at junjun tiʼchaq nimxix toklen twitz Dios. Bʼalo tuʼnju o tzaj nya bʼaʼn tiʼja aju mintiʼ kyaj ttzaqpiʼn Dios tuʼn tbʼaj jlu. ¿Ape t-xilen jlu qa mlay bʼant tuʼn? Ax tok mya. Nim maj a Dios n-b´inchen jun ti´xti´x nimxix t-xilen tuk´e ky-xob´il, ikyx tze´n tuk´e José.

Moqa in kubʼ t-ximana qa aya il tiʼj tuʼn t-xi tbʼinchaʼna tiʼj nya bʼaʼn in tzaj tiʼja tuʼnju nya taj Dios tuʼn ttzaj bʼaj tkʼuʼja tuʼn. Sino, taj Dios tuʼn tokx tqʼon tibʼ toj tkyaqil tqanil tiʼj nya bʼaʼn in tzaj tiʼja. Taj tuʼn t-xi qqʼoʼn tkyaqil nya bʼaʼn toj tqʼabʼ tuʼntzun tajbʼen tuʼn tiʼj jun tiʼ nimxix toklen, jun tiʼ mas tbʼanel twitzju in kubʼ qximen, ex tuʼn tjaw nimsaʼn Qdios te jumajx.
¿Alkyeqe taqikʼ Tyol Dios in tzaj kyqʼamaʼn qa mas nim toklen Dios kywitz qe nya bʼaʼn in che tzaj qiʼj?
Noq jaxku tumel ma qo jyon tiʼj toj Tyol Dios, in che kanet taqikʼ Tyol Dios quʼn nojni tuʼn yekʼbʼil tiʼj jlu. B´a´n t-xilen aju yol mas nim tipumal qa a Dios mas matij twitz alkyexku juntl nya b´a´n, atzun tej t-xi tq´ama´n qAjaw toj Juan 16:33, "Ma txi nq´ama´ne jlu kyeye tu'n tten kynab'le wi'je. Tzul yajb'il kyeye twitz tx'otx'. Noqtzun tu'nj, ten kyk'u'je, ma kub' ti'j twitz tx'otx' wu'ne." (ESV)

A Crist Jesús o tz´ok t-kamb´an twitz tx´otx´, tkyaqil twitz tx´otx´, atxix tej t-xi tzyet chwinqlal tzmaxi tej t-xi kamik. Aju tkawbʼil te jumajx ex aju nimxix tipumal in nok tqʼoʼn qe nya bʼaʼn in che tzaj qiʼj te chʼin.

Aju versículo mas ngane aju "Ja'lo teju at tipumal tu'n tb'ant nimxix tu'n twitz tkyaqilju jaku txi qqanin ex jaku kub' qximen." Efesios 3:20 (NKJV)

¿Tiquʼn qajbʼil tuʼn tok tilil quʼn tuʼn tkubʼ najsaʼn qe nya bʼaʼn in che tzaj qiʼj, atzunte tzaqpibʼil in tzaj tqʼoʼn Dios nimxix twitzju jaku txi qqanin moqa jaku kubʼ qximen? A Dios b´a´n tu´n tb´ant junjun ti´chaq tu´n twitz qwitzik´.

A Dios mas matij twitzju q-problema!!

6 txqantl taqikʼ Tyol Dios tiʼj qa mas nim toklen Dios twitzju nya bʼaʼn in tzaj tiʼja
Nya kwest tu´n tkanet mas taqik´ Tyol Dios ti´j tza´n tten tk´ujlab´il Dios ex aju mujb´ab´il n-tzaj tu´n t-xi q´uqb´et qk´u´j ti´j Qajaw, n-chi tzaj tqona toj amb´il kwest ex n-chi tzaj tqona q-okslab´l. Aj t-xi t-xob´a tu´n t-ximana nya b´a´n, b´a´n tu´n tajb´en qe versículo lu tu´n ttzaj tna´na qa a Dios mas matij twitz qe nya b´a´n.

Romanos 8:28
Ex b'i'n qu'n, qa tkyaqiljo n-aq'nin te jun b'a'n kye aye nchi k'u'jlin te qMan Dios, ex aye ma chi txkonjtz tu'n tze'nkuxjo t-xim. ~ NKJV

Salmo 46:1-3
Ate Dios kolb'il qe ex qipumal, in qo onin jurat naj tuj yajb'il qe. Tuʼntzunju, mlay qo tzaj xobʼ, maske kʼelel qʼiʼn Txʼotxʼ.