​Ruac: “LUƆTNI̱ ŊƆ̱N ŊUƆ̱N TI KU̱ KUƆTH AMERIKA KƐN WICƆ̱̈N WI̱Ï̱NƐN”

Kä Wake Up Kɔl Ɛbɛnt

Ci lɔcdä tɛɛth. Ɛ luth mi̱ di̱i̱t ɛn ɣöö dëë tä ɛn wa̱nɛ mɛ kɛ wäär ɛmɛ - ɛlɔ̱ŋ ɛn gua̱a̱th ɛ bɛc ɛmɛ rɛy lɛ̈ɛ̈ŋni̱ ji̱ America, amäni̱ rɛy lɛ̈ɛ̈ŋni̱ wecmuɔ̱ɔ̱n kɛɛliw.

Kɛ run ti bathdɔɔri ti ci wä, kɛ thok göökni Ɣa̱-gay mi la raan Ɣi-bɛ-ru, cu Kuoth kɔn la̱r min bɛ la̱t — ɛn ɣöö bɛ kɔn moc kɛ pɛ̈th. “Kɛ ɣöö ci Kuoth Nhial in la Ruey Ɣɔaa i̱, ‘Kɛ gua̱a̱th mi tɔt bä nhial kɛnɛ piny yɔ̱k, amäni yieer kɛnɛ mun mi kööt. Ɣän bä döör diaal yiath piny.... Ɣän bä nhial kɛnɛ piny yɔ̱k. Ɣän bä kɔamni kua̱ri yuɔr piny, kä bä buɔ̱m kua̱ri dööri diaal däk.’” (Ɣa-gay 2:6-7, 21-22)

Ɛ jɛn min ca lat ɛ ruac go̱o̱kä Baibolä – ɛ ruac mi ca lat rɛy cärä Kuɔth in ŋäc ŋɔak diaal, min guic ŋɔak diaal rɛy ɣɔaa....ɛ ruac mi ca lat kɛ kui̱ jɔam mi bi ben....ɛ ruac mi ca lat kɛ kui̱ jɔam mi bi ben — /ciɛ ɣöö banɛ dual, duŋdɛ ɣöö kɛ ɣöö banɛ rɔ̱ rialikä kä banɛ tekɛ ŋa̱th kä banɛ ja̱l thia̱k kɛ Yecu mi wä jiɔm mi di̱i̱t ben.

Ji̱n timɛ gua̱a̱th ëë ci̱ ji̱n te thi̱n kɛ cäŋ kä 11 kä Pay Bäŋuan 2001?
Ji̱n timɛ ta̱a̱ ëë ci̱ lɔcdu tɛɛth mëë ci̱ Pentagon nɛn cɛ waŋ, kä ci̱ pɛ̈thdɛ rɔ yuɔr piny kä Pennsylvania, kä ci̱ duël da̱ŋ rɛw tin di̱t pɛ̈th?
/Cɛ ku laa ɣöö ci̱ Pearl Harbor ji̱ America ti̱ ŋuan näk kɛ ko̱r kɛl - nɛy ti̱ ba̱lkɛ 3,000 kɛ jɛn cäŋ ɛmɔ.
 Thilɛ ram kɛl kä kɔn mi bi cäŋ ɛmɔ pa̱l ruëëc — kä /cɛ bi met pa̱l ruëëc.

 Kuoth /cɛ 9/11 jakä tuɔɔk....fanatics devoted kɛ ŋi̱i̱c kacä Radical Islam ɛ jɛn ëë jak 9/11 kä tuɔɔk....duŋni̱ ɣöö Kuoth in Thuɔ̱k kä Tekɛ — Kuoth in te rɛy Baibolä — jakɛ kä tuɔɔk kɛ ɣöö bɛ America yiath piny.... kɛ ɣöö ba ca̱rdan jek....kɛ ɣöö ba kɔn jiɛc nhial.

Ɣän göörä ɣöö bä yɛ thiec kɛ tha̱a̱ŋ thiecni̱ kɛ wäär ɛmɛ min canɛ ca̱r kɛ kui̱ 9/11, min canɛ ca̱r kɛ kui̱ ciɛŋä matdädan, kɛnɛ ta̱a̱ Duël Kuɔth, ɛn wa̱nɛ kɛnɛ wi̱i̱ muɔ̱ɔ̱n kɛɛliw: Kɛ cäŋ ti̱mä 9/11 ɛmɛ, ji̱n ciɛŋni kɛnɛ yiëëdɛ gɔaaɛ kɛ run wäl tëë ci wä? Kä ji̱ dhɔaru? Kä duel kuɔthdu?

Ɛn tämɛ ɛ jɛn gua̱a̱th in gɔaa kɛ ɣöö deri ca̱ru guic kɛ kui̱ yieekädu — kɛ ɣöö deri jɛ ŋa̱c ɛn ɣöö lätdi kɛ ciɛŋ yieekä kɛnɛ yiëëdu, lät ji̱ dhɔaru i̱di, lät duel Kuɔthdu i̱di. Kɛ run wäl tëë ci̱ wä, cu Kuoth kɔn moc kɛ pɛ̈th – thiec ɛ ɣöö: Kä kɔn liɛŋnɛ jɛ?

Kä bok Ji̱ Ɣi-bɛ-ru ca jɛ kuɛn i̱: “Niɛkɛ jɛ ɛn ɣöö /cia ram in ruac yɛ bi lo̱k. Kɛ ɣöö mi /ken nɛy tɔ̱tɔ̱ rɔ̱ kään mëë cikɛ ram ëë luek kɛ wi̱i̱ muɔ̱ɔ̱n lo̱k, kä kɔn nɛy tin ci rɔ̱ ri̱t kä ram in luek kɛ nhial /canɛ bi kään. Kä jɔwdɛ cuɛ wi̱c muɔ̱ɔ̱n yiath piny ɛn gua̱a̱th ëëdan, kä täämɛ cɛ jɛ lar i̱, ‘Kä bä wi̱c muɔ̱ɔ̱n yiath piny kärɔa, amäni nhial bä.’ Ji̱ Ɣi-bɛ-ru 12:25-26)

Kuääran ni Yecu Kritho — nyuurɛ kɛnɛ ji̱ kɔaarɛ wi̱i̱ pa̱a̱m Ɔ-lip kä Jɛ-ru-tha-lɛm — cɛ kɔn la̱r lär bä rɛy Mɛ̈-thiw 24 ɛn ɣöö banɛ rɔ̱ moc kɛ pɛ̈th rɛy ni̱ni tin jɔak, ni̱n tɔ̱tɔ̱ kɛ nhiam kɛ luny Yecu jɔk. Cu Yecu wee: “Bi cäŋ a muth, kä /ci pay bi lɛp, kä bi ciɛr pɛ̈ɛ̈n nhial, kä bi buɔ̱m nhial yɔ̱k.” Kä kɛ kɔrɛ, gua̱a̱th ëë /ci naath ɛ car i̱ bɛ tuɔɔk, cu Yecu wee, “Bi nyuuth Gatdä Ran jɔɔc nhial, kä kɛ kɔrɛ bi döör wec muɔ̱ɔ̱n diaal wiee, kä bikɛ Gat Ran nɛn bëë wi̱i̱ puɔ̱ɔ̱rä . nhial kɛ buɔ̱m kɛnɛ gɔɔy mi di̱i̱t. (Mɛ̈-thiw 24:29-30)


Amëri̱ka cua yiath piny kɛ cäŋkä 9/11. Ɛn wa̱lɛ, Kuoth cɛ kɔn nyɔk kɛ gër.

Bäŋuan kä wäl tëë ci̱ yio̱w ti̱ ŋuan naŋ - tëë ci̱ yio̱w ti̱ ŋuan naŋ - rɛy lɛ̈ɛ̈ŋni̱ ji̱ America ci̱ kɛ tuɔɔk ni̱ kɛɛ 9/11. Ɛn mëë ci̱ jiäk ni̱ jɛn ɛ Hurricane Katrina mëë ci̱ rɛɛk mi̱ tä kä America ku thuŋ ya̱r kä cuɛɛ yio̱w ti̱i̱ biliööni̱ ti̱ $108 naŋ.
Hurricane Irene bɛ cie mi̱ bɛ te rɛy wi̱i̱ni̱ da̱ŋ dhie̱e̱c tin nhiam kä cuɛ 2011 jakä ruɔ̱n mi̱ jiääk ɛlɔ̱ŋ rɛy lɛ̈ɛ̈ŋni̱ America kɛ kui̱ rikä mi̱ ci̱ tuɔɔk, kɛ rikä da̱ŋ wäl ti̱ gööl ti̱ cu yio̱w ti̱ $1 biliön kiɛ ti̱ ŋuan naŋ.[ii]
Ɛn ruɔ̱n ɛmɛ, ci̱ nɛy ɛ nɛn ɛn ɣöö ci̱ tornadoni̱ ti̱ jiäk ɛlɔ̱ŋ tuɔɔk rɛy runi̱ ti̱ kur ti̱ thia̱k ti̱.[iii]
Kä mac ëë ci̱ tuɔɔk ni̱ wal kä Texas - rɛy ŋɛ̈th ëë ci̱ tuɔɔk ni̱ wal rɛy wec.[iv]
Kä mun ëë di̱i̱t ëë ci̱ rɔ yuɔr piny kä East Coast ni̱ kɛ ruɔ̱n 1875.[v]
Ɛn mun ëë di̱tni̱jɛn mëë ci̱ rɔ yuɔr piny kä Colorado ni̱ kɛ ruɔ̱n 1882.
Kɛ jɛn gua̱a̱th ɛmɔ, ɛn economy ɛmɛ caa jɛ moc kɛ pɛ̈th.

Kä cɛrikani̱ ji̱ Amëri̱ka ti̱ 42,000 cua kɛ gäk ni̱ kɛ cäŋkä 9/11.[vi]
Nɛy ti miliöni wäl ŋuan kä America ci kɛ lätkiɛn bath kɛ run ti tɔt ti ci wä.
Ci ji̱ gɔaal ti miliöni ti ŋuan ciëŋkiɛn bath.
Washington cɛ rɔ yuɔr nhial kɛ kui̱ kä ɣöö bɛ kuilkanädan ku lɛ tok, duŋdɛ ɣöö /cɛ lät.
Nyuɔ̱th kumɛkädan ɛntäämɛ cɛ läny ni̱ $14 trilli̱ön – ɛ jɛn trilli̱ön mi̱ tä kɛɛ “t.” Ɛ mi̱ bum ɛn ɣöö deri̱ yio̱w ti̱ ŋuan car. Duŋni̱ ɣöö la̱thnɛ jɛ kɛ duɔ̱ɔ̱p ɛmɛ: mi̱ bi̱ kɔn yio̱w ti dɔlar kɛl kɛ thɛkɔnd kɛl kɛ thaak kɛl kɛ cäŋ kɛl kɛ pay kɛl kɛ ɣöö banɛ yio̱w wecdan kulɛ thöp, bɛ kɔn naŋ kɛ run ti̱ ba̱lkɛ 32,000 kɛ ɣöö banɛ yio̱w ti $1 trilli̱ön kulɛ thöp kärɔ̱ – duŋni̱ ɣöö kɔn te kɔn kɛ yio̱w ti ba̱lkɛ $14 trilli̱ön ɛ ŋuäl.