Xrifte: Jeremias 32:27, Lucas 1:37, Mateus 19:26, Jó 42:2, Gênesis 18:14, Marcos 10:27.
INTROTUTSYOON: Mëyer leepe in een wëlt woo fol mit xwiirichkheete is. Limitatsioone fon kraft, resourse, khëntnis un tsayt. Awer te Kot woo mer tiine, hot unpexripne kraft un apiliteete. Tee is nët fon mënxliche kesetse orer natiirliche situatsioone ferprënt. Tee froot in Jeremias 32:27: “Kuk, ich sin te Hërkot, te Kot fon ale mënxe: kepts etwas woo xwëyer is fer mich?”
Ti frooch is net een suuchung fon informatsioone, awer een ausweech fer unser klaape. Unser Kot is te ale mëchtichste woo xprecht un tas pasiirt. Tee macht ti unmeechlichkheete in tsayche un macht en weech woo khee is.
Egal was tuu hayt mit machst, tiise pexeet is een erinerung tas es niks këpt woo Kot nët mache khan. Ëyer is te selwiche pis hayt, hayt un fer imer. Wën Ëyer tas foer heyer kemacht hot, tuut Ëyer tas noch mool mache.
1. Kot hot unpexripne macht .
Foer ti unerxiitliche phunkte, mise mer ferxteen tas Kot sayn macht khee greenes hot. Tee hot ale tinge kemacht un tuut se uf phase torich tas wort fon sayn macht.
Tee hot tas uniwërsum fon niks kemacht . Kot hot tas kanse universum kemacht oone ti ërnt se penutse (Gênesis 1:1-3).
Tee tuut ale tinge oone aanxtrengung uf phase . Hebreus 1:3 saat tas Ëyer ale tinge uf phast torich sayn mëchtich wort. Ti xtërne, ti meere un soo kaar tayn leepe sin in sayn hënt.
Tee khan tas unfertiint kuutheet um se hale . Wën es sich um een toot xwangerxaft, een xlim krankheet orer een ferxlosne tore handelt. Es kept niks woo tëm sayn richtung nët.
Sayn wunere sin nët fon tsayt orer protses pextimt . Kot praucht net een lang tsayt fer een wuner se mache. Tee khan tas uf mool mache (Isaías 48:3).
Piipel payxpiil: Kot hot tas Roote Meer keteelt fer ti israelite uf trokne ëyert se keen, un hot ketsaycht tas ti natuer sayn Kriatoer aan heere mus (Êxodo 14:21-22).
2. Kot is spetsiaaliseyert in te unmeechlichkheet .
Unser unmeechlichkheete sin keleechenheete fer Kot sayn kroosheet se tsayche.
Tee macht was te mënx saat is unmeechlich . Lukas 1:37 saat: “Wayl fer Kot niks is unmeechlich.” Ti mënxlich unmeechlichkheet is kotlich keleechenheet.
Tee macht hofnungsloose situatsioone um . Wën es fer te mënx tsu xpeet aus siit, tuut Kot sich in xtele un tsaycht tas Ëyer nii xpeet is.
Tee xaft mee wii ti logik un ti siëns . Sayn macht is net ploos in was ti siëns aus lëye khan.
Tee pringt ti xeenheet fon te axe raus . Ëyer is te Kot woo ti traurichkheet in tans ënert un ti ferxtant in frooheet.
Piipel payxpiil: Sara hot 90 yoer alt keplip. Was ti toktere wii unmeechlich kesiin hon, hot Kot een realiteet kemacht (Gênesis 21:1-2).
3. Kot is troy tsu sayn wort .
Yeete ferxprëche fon Kot is fon sayn kapasiteet fer tas erfiile, unerxtitst.
Ëyer khan nët liie un nët fale . Números 23:19 saat tas Ëyer nët een man is tas Ëyer lëye sol. Was Ëyer ferxprëcht, tuut Ëyer mache.
Sayn wort pringt kraft fer se mache . Isaias 55:11 tsaycht tas sayn wort nii mee oone wëyert keet — tas tuut sayn misioon erfiile.
Tee tuut sayn wort uf phase fer tas erfiile . Jeremias 1:12 tsaycht tas Kot wachsam is un fërtich is fer sayn ferxprëche erfiile.
Aach wën mer oone klaape sin, tuut Ëyer troy plaype . 2 Timóteo 2:13 tuut uns sicher lose tas Tëm sayn troyheet hëngt nët fon unser klaape ap.
Piipel payxpiil: Kot hot fer ti israelite ferxproch een lant woo mit milich un honich fliist, un opwool se net aan keheert hon, hot Ëyer tas erfiilt (Josué 21:43-45).
4. Kot khan yeete mënx penutse fer tas Unmeechliche se mache .
Kot is nët fon te methoote pextimt. Tee penutst ales un yeete eene fer sayn opjetiiw erfiile.
Tee penutst ti xlëchte tinge fer ti kluuche se ferkheere . 1 Coríntios 1:27 tsaycht tas Kot nët praucht was mëyer waarte fer se xafe.
Eyer penutst ti faynte fer sayn folek seechne . Kot hot kemacht tas te Faraoo ti Ëxodus xponsere teet, wayl ëyer ti israelite kolt un silper këp hot (Ëxodo 12:35-36).
Ëyer xikt hilef fon unkewaartne plëtse . Kot hot ti rawe penutst fer Eliias im tesërt uf phase (1 Reis 17:4-6).
Tee penutst xwache xife fer mëchtich aktsioone mache . Kot hot Tawi, een puup, penutst fer Kolias, eene ketultich kriicher, kewine.
Piiplixe payxpiile: Kot hot 5 proote un 2 fixe penutst fer mee wii 5.000 layt uf phase, un hot sayn macht ketsaycht fer ti kleene se ferkreese (João 6:9-13).
5. Kot is fërtich fer tas fer aych se mache .
Te Kot fon te Piipel is nët ploos mechtich; Ëyer is persoonlich un fërtich fer sich selepst in tayn leepe tsayche.
Tee tuut khee teel nëme — was Ëyer fer ti anere kemacht hot, khan Ëyer fer tich mache . Atos 10:34 saat tas Kot nët ti persoone raus suucht.
Tee antwort uf klaape un erwaartung . Oone klaape is es nët meechlich tëm tsufriite lose (Hebreus 11:6).
Tee tuut sich ënere wën mer tëm apsolut fertraue . Tii woo klaape, siin sayn hërlichkheet (João 11:40).
Ëyer is tichter wii tuu tënkst . Ruuf tëm aan un Ëyer tuut antworte (Jeremias 33:3).
Piipel payxpiil: Ti fraa woo pluut aus kexproch hot, hot sayn wuner kriit in tëm momënt woo se klaape hot un hot Yeesus aan ketrof (Marcos 5:25-34).
Meyer tiine fer een Kot woo nii ti fernichtung, ti fernichtung orer ti unmeechlichkheet kekhënt hot. Was ti mënxe unmeechlich nëne, is ploos en inlaatung fer Kot sayn macht se tsayche. Es kept niks was Ëyer nët ënere, heele, tsurik lose orer um hale khan. Tayn kexicht is nët soo xwëyer fer Tëm.
Tuu tayn aue un klaawe hayt uf mache. Tuu Kot nët mit tswayfel orer pang um hale. Ëyer is noch wunere am mache. Tee is noch ti kepeete am antworte. Ëyer is noch een weech am mache. Es këpt apsolut niks was Kot nët mache khan!
