eski ou rekonesan nenport kwa? get zistwar en zonm ki ti annan tou drwa pou anmer me i pa ti ete.
bann prosen lepa dan koulwar, i ti konnen, ti kapab bann gard ki ti pe anmenn li kot son egzekisyon. son sel lili ti lo planche ros dir e fre dan sa kaso mouye e sere. napa en erdtan ki ti pase ler i ti lib avek iritasyon konstan bann lasenn e douler bann manak feray ki ti pe koup dan son ponyet ek lipye.
separe avek bann zanmi, akize dan en fason enzis, trete britalman si zanmen en dimoun ti annan drwa konplent, sete sa zonm, ki ti pe soufer preski oubliye dan en prizon Romen dir. Me olye konplent, son lalev ti sonnen avek bann parol louanz ek remersiman!
sa zonm ti zapot pol en zonm ki ti'n aprann sinifikasyon vre remersiman, menm dan milye gran adversite. Pli boner, ler i ti’n ganny anprizonnen Ronm, Pol ti ekrir, “Sante e fer lanmizik dan zot leker pour Senyer, toultan remersye Bondye Papa pour tou keksoz, o non nou Senyer Zezi-Kri” (Efezyen 5:19–20, NIV).
Mazin sa: Toultan remersye pour tou keksoz—nenport ki sirkonstans!
“Remersiman—remersiman—a Bondye pour tou son bann benediksyon i devret enn bann mark pli distink sa krwayan dan Zezi Kri.”
Remersiman pour Zapot Pol pa ti en selebrasyon en fwa par an, me en realite toulezour ki ti sanz son lavi e fer li vin en dimoun zwaye dan tou sitiasyon.
remersiman—donn remersiman—a bondye pou tou son bann benediksyon i devret enn bann mark pli distink sa krwayan dan Zezi Kri. Nou pa devret les en lespri ingratitid fer nou leker vin pli dir e fer nou relasyon avek Bondye e avek lezot vin fre.
Napa nanryen ki fer nou vin bann dimoun anmer, egois, mekontan pli vit ki en leker engra. e napa nanryen ki pou fer plis pou redonn nou satisfaksyon ek lazwa nou delivrans ki en vre lespri rekonesans.
Dan letan lontan, lalep ti en maladi terib. i ti san lespwar defigir bann ki ti annan li, e i ti permananman koup zot avek sosyete normal. San okenn leksepsyon, sak lepre ti anvi en sel keksoz: Pour ganny geri.
En zour 10 lepre ti apros Zezi an deor en vilaz, e sipliy li for pour geri zot. dan en pti moman i ti redonn zot tou en lasante parfe—me zis enn ki ti retournen e remersye li. tou leres ti ale san dir en mo remersiman, zot lespri ti preokipe zis avek zot lekor, anprizonnen avek en lespri ingratitid.
Ozordi osi, ingratitid ek mank rekonesans i bokou tro komen. Zanfan i bliye remersye zot paran pour tou sa ki zot fer. kourtwazi komen i ganny meprize. Nou pran pour gran keksoz bann fason ki lezot i ed nou. avan tou, nou pa reisi remersye bondye pou son bann benediksyon.
Ingratitid i en pese, zis parey koz manti oubyen vole oubyen limoralite oubyen nenport ki pese ki Labib i kondannen. Enn bann lakizasyon Labib kont limanite rebel se ki “menm si zot ti konn Bondye, zot pa ti ni glorifye li konman Bondye ni remersye li” (Romen 1:21, NIV). en leker engra i en leker ki fre anver bondye e endiferan anver son mizerikord ek lanmour. i en leker ki'n oubliye ki mannyer nou depan lo bondye pou tou keksoz.
depi en bout Labib ziska lot bout, nou ganny demande pou rekonesan. anfet, rekonesans i sorti natirel en leker ki atase avek bondye. Sa psalmis ti deklare, “Sant pour Senyer avek remersiman” (Psonm 147:7, NIV). Pol ti ekrir, “Rekonesan” (Kolosyen 3:15, NIV). en lespri remersiman i touzour mark en Kretyen zwaye.
Akoz nou devret rekonesan? Akoz Bondye in beni nou, e nou devret rekonesan pour sak benediksyon.
remersye bondye pour bann benediksyon materyel ki i donn ou I paret ki nou pa zanmen satisfe avek sa ki nou annan—ris oubyen pov, an bonn sante oubyen malad. Me pa i annan en gran diferans ler nou realize ki tou sa ki nou annan in ganny donnen avek nou par Bondye! Lerwa David ti priye, “Larises ek loner i sorti kot ou … Nou remersye ou, e loue ou non glorye … Tou keksoz i sorti kot ou” (1 Kronik 29:12–14, NIV).
detrwa lannen pase mon ti vizit en zonm ki ti ris e fer sikse. I ti lanvi tou son bann zanmi ek asosye dan biznes. me anmezir ki nou ti koze, i ti konmans plere, konfese ki i ti mizerab anndan. larises pa ti'n kapab ranpli sa landrwa vid dan son leker.
detrwa erdtan pli tar mon ti vizit en lot zonm zis en pti zistans. son lakaz ti enb, e i ti napa preski nanryen dan semen posesyon sa lemonn. e pourtan son figir ti briyan anmezir i ti rakont mwan lo travay ki i ti pe fer pour Kris e ki mannyer Kris ti ranpli son lavi avek sans ek bi. mon konvenki ki sa dezyenm zonm ti vreman sa zonm ris. menm si i ti napa bokou, i ti’n aprann pour rekonesan pour tou sa ki Bondye ti’n donn li. Pol ti deklare, “Mon’n aprann sekre pour kontant mwan dan nenport ki sityasyon, ki swa mon’n byen nouri oubyen lafen, ki swa mon viv an abondans oubyen dan mankman” (Filipyen 4:12, NIV). en lespri rekonesans i fer tou sa diferans.