Thero: Thapelo Ya Go Itlhoboga


Matseno:
Morena o dumelela batho ba gagwe go fihlelela lefelo la go hloka thušo ka mo go feletšego le go ithekga ka mo go feletšego. Eupša, ge thapelo ya rena e theilwe godimo ga temogo ye, kwelobohloko ya Morena e a fenya.


I’m in an embarrassing situation tonight because ke kgethile title ya molaetša wa ka, or rather, Modimo o mphile title and I’m not quite sure gore ke tlo bolela eng. Sa pele, nna le Ruth re ya go dira kgoeletšo ya rena. Batho ba babedi ba bile botho ka mo go lekanego go re fa ditemana tše morago bjale bjalo ka lentšu le le tšwago go Modimo. Re ya go bolela ditemana tše nne tša mafelelo tša Psalme 92 ka go NIV, go hlatsela gore ga go na kgethollo!

“Ba lokilego ba tla atlega bjalo ka mopalema, ba tla gola bjalo ka mosedere wa Libanoni, ba bjetšwe ka ntlong ya Morena, ba tla atlega malapeng a Modimo wa rena, ba sa tla enywa dienywa botšofading, ba tla dula ba le ba bafsa e bile ba tala, ba goeletša ka gore: ‘Morena o lokile, ke yena leswika la ka, gomme ga go na go se loke go yena.”
Amene! Ke šetše ke go file sehlogo sa molaetša wa ka. Se ga se sa tlwaelega, ga ke tsebe gore Modimo o kile a dira se gabotse pele. O ile a mpha thaetlele gomme ka morago ke ile ka swanelwa ke go leka go hwetša seo A bego a nyaka gore ke se bolele. Thaetlele ke “Thapelo ya go Itlhoboga.” Ke nyaka go le botša gore e tlile bjang.

Nakong e nyenyane morago kua United States ke be ke ruta lelokelelo la melaetša e tshela mabapi le “Isiraele: Nako e Fetilego, ya Bjale le ya Bokamoso.” Melaetša ye mebedi ya mafelelo e be e bitšwa “Dipontšho tša Bokamoso,” e be e le maiteko a go tšweletša ka ntle ga mangwalo seo se sa lego ka pele go Isiraele ge e boetše nageng ya gabo bona. Ke fihlile go Sakaria 14:1–3, yeo e lego sehlohlolong, ke go boa ga Mesia ka letago, seo ke sehlohlolong sa histori ya Isiraele. Ge e le gabotse ke na le lelokelelo la diporofeto tše lesometshela mabapi le Isiraele, tšeo tše lesometharo tša tšona di šetšego di phethagaditšwe. Go šetše tše tharo feela tšeo di swanetšego go phethagatšwa, gomme ya mafelelo ke go boa ga Mesia. Ka mehla ke botša batho ge e ba lesometharo go tšwa go lesometshela ba phethagaditšwe, that’s more than eighty percent. Ga se mo go sa kwagalego go letela gore diphesente tše masomepedi tše di šetšego di phethagale. Ga re ba fišegelago thoko, re batho ba go kwagala. Nka re ga go kwagale go gana go amogela gore kgonagalo ya gore diporofeto tše tharo tše di šetšego di tla phethagala.

Bjale ke ya go le balela go tšwa go Sakaria 14:1–3. Mantšu a a lebišitšwe Jerusalema, o swanetše go kwešiša seo.

“Bonang, letšatši la Morena le a tla gomme dithebola tša lena [goba dithebola tša lena] di tla arolwa gare ga lena.Gobane ke tla kgoboketša ditšhaba ka moka go lwa le Jerusalema...”
Na o kwele seo? It’s pretty close to happening, e ka direga mo dikgweding tše mmalwa nako efe goba efe. Ge e ba Ditšhaba tše Kopanego di be di ka dira phetho e itšego, e be e tla phethagala. I think there’s more time than that yet but ga ke nyake go tsena ka gare ga mabaka a seo.

"Gobane ke tla kgoboketša ditšhaba ka moka go lwa le Jerusalema, motse o tla thopša, dintlo tša thopša, basadi ba katwa. Seripa sa motse se tla ya bothopša, eupša mašaledi a setšhaba a ka se fedišwe motseng. Ke moka Morena o tla tšwa a lwa le ditšhaba tšeo, bjalo ka ge a lwa le yona letšatšing la ntwa. Gomme ka letšatši leo maoto a gagwe a tla ema Thabeng ya Mehlware...”
Ge Jesu a rotogela legodimong, o ile a tšwa kae? Thaba ya Mehlware. Barongwa ba babedi ba ile ba botša barutiwa ba gore, “Yena Jesu yo a rotogetšwego legodimong go tšwa go lena o tla tla ka mokgwa wo le mmonego a eya legodimong.” A tloga Thabeng ya Mehlware, O ile ka marung; He’s coming back in the clouds gomme maoto a Gagwe a ya go ema Thabeng ya Mehlware.

Gomme, go tlo ba le tšhišinyego ye kgolo ya lefase. Thaba e ya go arolwa ka tše pedi, seripa se ya leboa gomme seripa se ya borwa. Ke feditše ngwaga wa ka wa mafelelo wa tirelo ya sešole sepetlele sa Brithania Thabeng ya Mehlware ntlheng yeo ke dumelago gore ke yona ntlha ye e nepagetšego yeo thaba e tlago arolwa go yona, ka gobane ke lefelo la tšhišinyego ya lefase. Go bile le tšhišinyego ya lefase moo ka 1923 yeo e sentšego kudu ye nngwe ya ditora tša moago mo e lego gore ga go na motho yo a dumelelwago go namela yona. Ka fao, go nna se se bonagala gabotse ka mo go feteletšego, ke nyakile ke kgona go se bona ka leihlong la ka la monagano ge ke bolela ka sona.

Ka nako ye nngwe Morena o bolela le nna mola ke bolela le batho. Ke be ke le yo, ke rera molaetša wo, eupša se sengwe se be se tšwela pele ka monaganong wa ka gomme e be e le se, ka kgopolo ye nngwe. Ge Morena a ikemišeditše go tsena ditaba gare legatong la setšhaba sa Bajuda le motse wa Jerusalema, ke ka lebaka la eng a tla tlogela seripa sa motse se ya bothopša? Dintlo di tla thopša gomme basadi ba katwa. Ke ka baka la’ng A be a ka se e dire pele seo se direga? Se se be se tšwela pele monaganong wa-ka ge ke be ke se rera. Ke ile ka nagana gore ke hweditše karabo ka gobane Morena a ka se tsene ditaba gare go fihlela batho ba gagwe ba fihlile motsotsong wa go hloka kholofelo ka botlalo, ge ba fihla ntlheng yeo ba tsebago gore ga go na kholofelo ye nngwe ka mo go feletšego ebile ga go na mothopo o mongwe wa thušo ge e se Modimo le Mesia. Ke moka O tla tsena ditaba gare. Ke bone seo e le molao wa motheo wa gore gantši Modimo a ka se tsene ditaba gare go fihlela re fihla ntlheng ya go itlhoboga.